މިއީ، ޤާނޫނު ނަންބަރު 7/2010 (ދިވެހި ރާއްޖޭގެ އިދާރީ ދާއިރާތައް ލާމަރުކަޒީ އުޞޫލުން ހިންގުމުގެ ޤާނޫނު) ގެ ދަށުން އުފައްދާފައިވާ މުވައްސަސާއެކެވެ. މި މުވައްސަސާގެ މައިގަނޑު ބޭނުމަކީ، ބުނެވިދިޔަ ޤާނޫނުގައި ބަޔާންކޮށްފައިވާ ގޮތުގެ މަތީން، ރައްޔިތުންނަށް ބޭނުންވާ ރަށްވެހިކަމުގެ ޚިދުމަތްތަކާއި އަދި އެހެން ޚިދުމަތްތައް އެކަށީގެންވާ ގޮތެއްގައި ރައްޔިތުންނަށް ފޯރުކޮށްދިނުމެވެ. މި މުވައްސަސާ އެކުލެވިގެންވަނީ އެއް ސެކްޝަނާއި 3 ޔުނިޓް ހިމެނޭ ގޮތަށެވެ. އެއީ ކޯޕަރޭޓް އެފެއަރޒް ޔުނިޓާއި މުނިސިޕަލް އެންޑް އިންފްރާސްޓްރަކްޗަރ މެނޭޖްމަންޓް ޔުނިޓް އަދި  އިކޮނޮމިކް އެންޑް ސޯޝަލް ޑިވެލޮޕްމަންޓް ޔުނިޓެވެ.

އިސްލާމް ދީނުގެ ހަމަތަކާ އުސޫލުތަކުގެ މަތީގައި ދެމިތިބޭ، ދުޅަހެޔޮ ފުދުންތެރި ދިރިއުޅުމެއް އުޅޭ، ތަޢުލީމީ ހުނަރުވެރި ރައްޔިތެއް ގުޅިގެން ދިރިއުޅޭ، ރައްކާތެރި ހިތްފަސޭހަ، ޒަމާނީ ފަސޭހަތަކުގެ މައްޗަށް ޚިދުމަތްތައް ބިނާވެފައިވާ ރަށެއް.

ރައްޔިތުންނާ ގާތުން ލުއިފަސޭހަކޮށް، އަމިއްލަ އެދުމުން އެއްކިބާވެތިބެ ޚިދުމަތް ދީ، ރައްޔިތުންގެ ހިޔާލާއި ބައިވެރިވުން ވީހާވެސް ބޮޑަށް އޮވެގެން ރަށު ތަރައްޤީގެ ދުވެލި ދުވެއް ދުވަހަކަށް ކުރިއަށް ގެންގޮސް، ދެމެހެއްޓެނިވި ތަރައްޤީގެ އުސްމިންތައް ހާސިލުކުރުމެވެ. މުސްތަގުބަލައްޓަކައި ހެޔޮ ރަނގަޅު ޖީލެއް ބިނާކުރުމާއި، ހެޔޮބަސް އަހާ ހެޔޮބަސް ގަބޫލުކޮށް އެއަށް ޢަމަލުކުރާ ޢިލްމީ ބަޔަކު ދިރުއުޅޭ، ރަނގަޅު ތަޢުލީމީ ޚިދުމަތްދެވޭ ތަނެއްކަމުގައި އުލިގަން ހެދުމެވެ. ރަނގަޅު ޞިއްޙީ ޙިދުމަތް ގާއިމުވެފައިވާ، ރައްކާތެރި، އާމަން އުފާވެރި ތަނަކަށް އުލިގަން ހެދުމެވެ.